الرئيسية منتديات  التسجيل مكتبي منتديات نسائية أضفنا للمفضلة اتصل بنا





روايات غرام كامله , روايه غراميه رائعه , روايه غرام كامله

روايات - روايات سعودية - روايات عبير - روايات غرام - روايات حب - روايات رومنسيه


إضافة رد
قديم 11-22-2012, 07:01 PM   #1
فريق حسناوات
حسناء vip

 رقم العضوية : 679
 تاريخ التسجيل : Nov 2012
 عدد المواضيع :
 عـدد الــــردود :
 المـشـاركــات : 3,600

فريق حسناوات غير متواجد حالياً

Smile روايات غرام كامله , روايه غراميه رائعه , روايه غرام كامله

روايات غرام كامله , روايه غراميه رائعه , روايه غرام كامله روايات غرام كامله , روايه غراميه رائعه , روايه غرام كامله روايات غرام كامله , روايه غراميه رائعه , روايه غرام كامله


مدخل:::

اعاهدك باللي خلقني وسواك!
ويعاهدك قلب اذا غبت صانك!
والله ما ارخصك ولا افكر انساك!
ومفقود قلبي لو انه بيوم هانك!
لاضاق صدرك..وازعجك جور دنياك!
ارجووووووك اعتبرنــــــــــي..
~اعز~واغلى~واوفى~
من عرفت بزمـــــانك
هنا بالبدايه راح اعرفكم ع‘الشخصيات =)
{بيت ابو احمد}
ابو احمد:- محمد,,عمره 56 سنه انسان طماااااااع همه الأول والأخير الفلوس مايهمونه عياله مستعد يبيع أي واحد من اهله عشان الفلوس ع‘طول برا البيت ومايرجع الا للنوم عنده اخوان اثنين الكبير ابو فارس والصغير ابو زياد (راح نتعرف عليهم)وهو الأوسط بينهم  هو واخوانه من اكبر التجار وعندهم مجموعة شركات ومصانع متنوعة ألأنتاج من ملآبس واتبآعهم والبآن واتبآعهم ومصآنع لـ أشهر أنوآآع الشوكلآه بالسعوديه ومصآنعهم كثيره ومتنوعه وعمآير ومحلات للمجوهرات والألماس ومحلآت متنوعه و بالسعوديه وبرا السعوديه وشركآآت عقآرآت ووووو...الخ <~بـ أختصآآرتجآآآر~>واعدائهم بالسوق كثير بسبب فلوسهم الكثيره و من فتره لما كانو العيال صغار صارت مشاكل بين ابو احمد واخوانه بسبب الفلوس وطلب ابو احمد حصته من الشراكه اللي بينهم وابو فارس وابو زياد جمعو له مبلغ كبير واعطوه حصته وهو ع طول سحب الفلوس وانسحب من حياتهم ولا فكر يزورهم او حتى يزور امه اللي تكفل برعايتها ابو فارس بعد ماتوفى ابوه وبعد مااخذ حلاله اتفق هو مع اخو زوجته ابو خالد انو يحطون الفلوس اللي عند ابو احمد ع‘الفلوس اللي عند ابو خالد ويسون مشروع كبير بس كتب الله عليهم انهم يكونو ع‘الحديده بالنسبه للتجار صار عندهم بس بقاله صغيره حاطين فيها هندي يبيع لهم وكل شهر ياخذون نصيبهم منها وعندهم مكتب مقاولات صغيره وكل ماله في النازل اما اخوان ابو احمد تجارتهم كل مالها تتوسع وتكبر
..................................
ام احمد:- سارا,,عمرها 49سنه حبوبه وطيبه وع‘نياتها لا لها ولا عليها حنوووووونه ع‘عيالها صايره لهم الأم والأخت والصديقه حتى اسرارعيالها عندها محد يخبي عنها شيء مهما كان تحاول قد ماتقدر تحميهم من الناس اللي يكرهونها بسبب سمعة اهل زوجها التجار
.................................
احمد:- عمره 26سنه وسييييييييييييم قليله عليه شعره اسود سواد الليل يصل لعند اذنه ,, طويل اشوي  جسمه معظل عيونه روووووعه رموشه كثيفه عدسة عينه لونها اسود انفه دق السيف طويل يجنن بشرته حنطيه واذا سوا السكسوكه يرصير خياااااااال يشتغل دكتور سافر برا السعوديه درس دكتوراه ورجع والبنات اللي بالموستشفى خاقين عليه يتمنون نظره منه وهو مو معبر احد وهم يظنون انو مغرور بس هو مايحب حركات الصياعه حنووووووون درجه اولى ع‘امه وخواته ومتفهم كثير وسلاحه في الهوشات لسانه مو يده(اعزب)
.................................
نواف:-عمره 24سنه يشبه اخوه احمد كثير اللي يشوفهم يقول توأم بس اللي يفرق بينهم انو نواف جسمه معظل اكثر اشويات وعدسة عينه بني مايله للأسود وبشرته نفس بشرت اخوه طيووووووب بس اشوياااااات عصبي مو كثير مرح وحبوب وكوميدي كثير واللي يجلس معه مره يحس انو يعرفه من زمان مايحب الرسميه ابداا يحب يقط الميانه السنه اخر سنه له بالجامعه يدرس هندسه كل سنه يحمل مادتين هههههه وجايب العيد بس هذه السنه اخذ عهد ع‘نفسه يخلص ويفتك مل من الدراسه ومثل اخوه مايحب الصياعه وحركات المغازل والبنات وفي الهوشات يده تسبقه هههه ولحد يقرب منه اذا تهاوش مايعرف امه من ابوه(اعزب)
..................................
شادن:-عمرها 21سنه حلوه ونعومه بشرتها حنطيه مايله للبياض اشوي,,انفهاحلو ,,,شفايفها مليانه اشوي شعرها نااااعم قاصته فكتوريا لونه اسود,,,طولها حلو,,,مليانه اشوي,,,,لما وصلت اخر سنه من الجامعه ابوها طلعها وزوجها ولد خالها خالد,,كانت تظن قبل زواجها انو خالد راح يعذبها ويهينها وكانت فترت خطبتها لها اتعس ايام عاشتها وحبست نفسها بالغرفه ماتاكل ولا تشرب بس بعد الزواج اكتشفت انو خالد انسان رووووعه يعاملها بكل حب وحنان عكس ابوها وابوه اللي يهينون زوجاتهم,,,كل ما تذكر السالفه تحمد ربها وتشكره ع‘انو ابوها زوجها خالد وهي حامل بالشهر السابع
..................................
ميار(بطلتنا الحلوه ):- عمرها 19 سنه عليها جمال مو طيبيعي بشرتها بيضاء وخدودها دايم مورده وعيونها وسيعه ومكحلها من الله ورموشها طويله وكثيفه وعدسة عينها لونها عسلي ع‘اخضر وحواجبها مرسومه رسم بأتقان الخالق وانفها يشبه انف احمد بس هي انعم وشفايفها توتيه ,,,ع‘طول لونها وردي مائل للأحمر ومو كبار ولا صغار روعه شفايفها ووجها قمري وشعرها لونه كستنائي(لونه طبيعي من الله) يصل الى نصف فخذها حرير روووووعه وجسمها خيااال (مثالي)ومشيتها مثل مشية عارضات الأزياء طولها رووووعه مو قصيره ولا طويله تدرس بأول سنه بالجامعه ماتسكت عن الحق ابداا تسوي المستحيل عشان تحقق اللي في بالها تحب تبين انها ع‘طول قويه ومايهزها شيء ماتحب تنزل دموعها بجنب احد مهما كان متوااااظعه لكن اليي يشوفها ويشوف جمالها ومشيتها يقول انها مغروره لكن اللي يجلس معها مايمل وتحب الناس شخصيتها تشبه شخصية اخوها نواف بس مو عصبيه مثله ومتفهمه مثل احمد ومن وهي صغيره مخيره لولد خالها اسمه مازن
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,
بيت ابو خالد (الخال الأخو الوحيد لأم احمد وماعندها الا اخت وحده<~راح نعرفها )
ابو خالد:- يوسف,,,عمره 54 سنه مثله مثل ابو احمد في كل شيء بس اللي مانعرفه انو ابو خالد يتاجر بالمخدرات بس ابو احمد مايعرف ويروجها عن طريق مكتب العقارات والمكتب بأسم ابو احمد
.....................................
ام خالد:- عمرها48سنه تحب الطلعات والكشخه وتتلصق بالكباريه وتكره ام احمد كثير بدون سبب 24ساعه برا البيت تجي تنام بس او تبدل ملابسها وتطلع
....................................
خالد:- عمره26 صاحب احمد الروح بالروح كأنهم اخوان ع‘قلب واحد شكله عادي بس اللي محليه جسمه المعظل وسكسوكته ,,طيوووووب وجدي في حياته كان يحب شادن من وهو صغير ولما كبرو خطبها مايبغى يضيعها من يده بس استغرب من رد ابوها ع‘طول قال له خلاص هي لك ولا يهمك ويوم الخميس الجاي الملكه بس هاه مهرها 50الف!! قال خالد باستغراب طيب ماراح تاخذ راي البنت؟! قال ابو احمد البنت مالها راي من بعد راي ابوها فرح خالد وتمت الملكه والزواج ع‘خير واللحين هم احلى زوجين بالدنيا  ويشتغل دكتور مع احمد
......................................
مازن:- عمره 25سنه ع‘طول سكران مايصحصح الا بالمناسبات طويل وجسمه معظل بس اشوي مو كثير شعره يسويه سبايكي اسمر مره عكس خالد خالد بشرته حنطيه اما هو لا ,,مايشتغل يقول ليه اشتغل وابوي عنده خير !! يقظي وقته دايم بالأستراحات اللي تجمع بأسوارها جميع المحرمات يعني يمر اسبوع وهو مو بالبيت عادي ومايحمل أي مشاعر ناحية ميار كل اللي يعرفه انها له من وهم صغار ومو مهتم ابداا بس ينتظر اشاره من ابوه
.....................................
الجوري:- عمرها 19 سنه توأم ميار تشبها في شخصيتها كثير لكن هي ع‘طول دمعتها عند الباب حساااسه درجه اولى تحب الضحك والأستهبال نعومه شعرها يصل الى نصف ظهرها ناعم بس مو كثير لونه اسود قاصته الطاووس كل شيء فيها صغير انفها صغير وعيونها صغار بس ناعسه وعدسة عينها لونها اسود ,,جسمها حلو طولها حلو بشرتها بيضاء اللي يشوفها يحس ببرائتها فيها برائه مو طبيعيه تحب ولد عمتها موت بس هو مايدري وميار تدري 
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
(بيت ابوسلطان [بيت اخت ام احمد ])
ابو سلطان:- عبد الرحمن,,,عمره50 سنه طيب وحنون يكره انو يجلس مع ابو احمد وابو خالد ويحب جلسة الشباب اذا جلس معهم يحس عمره 20 سنه يستهبل ويسوي مقالب وحركاته تظحك يدخل القلب بسرعه
..............................
ام سلطان:-منى,, عمرها47 سنه,,,طيوبه بس قويه تحب اختها وعيال اختها وتموت في ميار تحس انها تشبهها لما كانت صغيره تتمناها لسلطان بس اللي قاهرها انها مخيره لمازن وماترضى ع‘ميار وتحاول قد ماتقدر تمنع زواجها من مازن
............................
سلطان:- عمره 24 سنه تؤأم نواااف يشبهه في شخصيته بس هو رجه كثيرر ويعرف كيف يتحكم بأعصابه عكس نواف اللي اذا تهاوش لحد يقرب منه <~يخوف~> طويل وجسمه معظل وشعره عادي لأنو دوم يقصه مايحب يخليه طويل وسيييييم يشبه امه بس هو حنطي وامه بيضاء وعيونه صغيره واذا لبس الشماغ والثوب يصير جنااااان <~ماعندهم غير سلطان  كان يدرس مع نواف هندسه بس هو تخرج قبل نواف واللحين هو رئيس قسم في وحده من شركات اخوان ابو احمد بس ماعليه من احد ولااحد يعرف انه يقرب لعمهم وهو كل همه الشغل وبس وحتى بالبيت مايجيب اسم الشركه ع‘لسانه(اعزب)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بيت ابو فارس(اخو ابو احمد)
ابو فارس:- فيصل,,,عمره 57 سنه,,,طيب وحنون لكن اذا عصب محد يقدر عليه واذا قال كلمه مايثنيها واي احد يتعرض لأي شخص من اهله ينفيه من على وجه الأرض مايرضى ع‘احد من اهله يحب الخير للناس ويعرف منو اعدائه بالسوق ومايتعامل بالحرام ابداا وعشان كذا ربي موفقه هو واخوه بالشغل معاملته للناس روووووعه يعني لو شاف واحد ماد يده عند باب شركته اخذة وحطه بعماره من عمراتهم ويصرف له مكافئه كل شهر<~ هذا لو صار 
.....................................
ام فارس:- فوزيه,,,عمرها50سنه فيها حنان يكفي بلد طيوووووبه ومرحه وكوميديه كثير والبنات يحبونها ويحبون يستشيرونها في اشيائهم الخاصه
....................................
فارس:-عمره26 سنه خققققققققققه يجنن يهوس روووعه عيونه واسعه وناعسه ورموشه كثيفه ومكحله وعدسة عينه لونها رمادي وانفه دق السيف وشفايفه مرسومه رسم وبشرته حنطي طويل اشويات وجسمه معظل كثير وحتى الشباب خاقين ع‘جسمه لأنو جسمه صاير روووعه ونادر تكون اجسام كذا وشعره يصل لنهاية اذنه لونه بني مائل للأسود نااااااعم ودايم يسوي سكسوكته بطريقه رهيبه واذا لبس الثوب والشماغ يصير خياااااال كأنو امير جدي كثير وقت المزح مزح ووقت الجد جد له هيبه واللي يدخل عليه لازم يحترمه لأنو شخصيته تجبر الكل ع‘احترامه(بس طبعاً مو مع اهله يفرض شخصيته بالعكس اذا كان باليت يصير انسان ثآني وكلمت ابوه مآ يتخطآهآ) اذا حب يحب بكل مافيه وشخصيته تشبه شخصية ابوه كثير يعني بحنانه وعصبيته وفيه قسوه اشوي 2%بس <~ مو كثير هع>درس ادارة اعمال لأنو ابوه طلب منه هذا الشيء ومسكه شركه من مجموعة الشركات اللي عندهم (اعزب)
.....................................
ليان:-عمرها 20 سنه تدرسه سنه ثالثه بالجامعه هادئه بس مرحه وحبوبه وخجوله كثيررر بس تحاول قد ماتقدر تبعد الخجل عنها قزومه اشوي بيضاء ضعيفه اشوي بس ضعفها حلو,,,شعرها ناعم يصل لعند كتفها قاصته الفاروله,,عيونها عاديه وناعسه اشوي,,وانفها دق السيف,,,كل العائله كذا مميزين بأنفهم  وشفايفها مليانه ,,,حلوه وناعمه اللي يشوفها يعطيها15 سنه مو 20 هع
.....................................
ريتال:-عمرها 19 سنه رجه وفيها خبال مو طبيعي بس ماتحب الأزعاج يعني رجتها ع‘هدوء اشوي رومنسيه يعني تجيها بعض الأحيان حاله تحب تكون لوحدها وتحط سماعة الأيبود بأذنها وتسمع اغاني اطول من اختها بأشوي وجسمها يشبه جسم اختها بس هي اسمن اشوي وبيضاء وشعرها صابغته بني يغطي كتفها وقاصته طبغات حلوه ونعومه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,
(بيت ابو زياد)
ابو زياد:-ناصر...عمره 50 سنه نفس اخوه تمااااااماا شخصيتهم وحده بس هو مايعصب ويحاول قد مايقدر يحل الأمور بدون مشاكل
..........................................
ام زياد:- ابتسام...عمرها 45 سنه اللي يشوفها يقول هذه30 مهتمه بنفسها وبشبابها كثير لكنها ابد ماتعرف الغرور وحبوبه مرررررره ومتفهمه كثير وتحاول ترضي زوجها وعيالها بأي طريقه ماتحب تزعلهم
..........................................
زياد:- عمره26 سنه توأم فارس كوميدي درجه اولى يحب يضحك ع‘طول مايحب يضايق نفسه ابدااا والكل يعرفه انو دوم فرفوش ويضحك واذا تضايق ع‘طول يعرفون انو ورا الضيق مصيبه لأنو هو ماتضايقه اشياء تافها وسيم بس مايوصل الى وسامة فارس عدسة عينه لونها بني وبشرته اسمر اشويات وماسك شركه من الشركات اللي عندهم لأنو درس مع فارس"ادارة اعمال"(اعزب)
.........................................
مشاعل:- عمرها 21 سنه حلوه ونعومه طويله وعيونها كبيره انفها دق السيف عيبها شفايفها كبيره اشوي و حنطيه ومائله للأسمرار اشوي وكمان انفها يكون من تحت كأنو كوره ههههه رشيقه بس مو مثل جسم ميار<~ ميار جسمها خيالي,,, شعرها صابغته نحاسي وفيه خصل ثلجيه مغروووووره كثير تضن انو مافي احد بجمالها واذا مشت تحاول تقلد عارضات الأزياء بس مب عارفه خخخخخ وكأنها تقول يارض اانهدي ماعليكي ادي
........................................
ريفان :-عمرها 19 سنه عسوله وحبوبه ورجه درجه اولى تحب الضحك والأستهبال والكل يعرفها انها صاحبة مغالب ماتعدي جلسه بين العائله الا ومسويه مقلب فيها هي وزياد اذا اجتمعو الله يعين الثالث بينهم مسكين بيضيع ههههه جميله بس مو مثل ميار ولا حتى نصفها شعرها ناعم يقطي نصف ظهرها قاصته طاووس وفراوله مع بعض ولونه بني وصابغه فيه خصل ذهبيه بشرتها حنطيه جسمها حلو وطولها حلو عيونها ناعسه ومتوسطه ورموشها كثيفه وعدسة عينها لونها اسود,,وتكره تجلس مع اختها مشاعل تحس انو مالها اخت ابد مختلفه عن الكل وكأنها ملكمة جمال وهي عاديه وريفان احلى منها
(خلصنا التعريف بأبطال روايتي الأساسيين والباقي راح تتعرفون عليهم بعدين )
.................................................. ..................
الساعه 7,00 الصباح
في احد الأحياء الراقيه تجمع اروع واجمل الفلل فخامه ورقي ,,,فخامه من الخارج لكن من داخل ناس بسيطه جداا وامكانيتهم الماليه محدوده جداا بسبب طمع الأبو وحبه للفلوس
(بيت ابو احمد(ابو احمد اشترا الفله لما كان مع اخوانه وقبل يخسر فلوسه اللي اخذها من اخوانه عدلها وزاد من روعتها وجمالها ))
ام احمد والعيال جالسين ع‘طاولة الفطور عدا ابو احمد اللي دايم برا البيت وميار مابعد تنزل
احمد وهو ياخذ زيتونه:- يمه كيفها شدون؟؟
ام احمد:- الحمد لله توامس كلمتها وتقول انو الحمل متعبها اشوي
نواف بمرح:- ايه مو هي صايره برميل متنقل حشى صايره كأنها بطه مع مشيتها
احمد غص بالخبزه:- ههههههه كح كح ههههههههههههههه عسى اللي في بطنها يرجك رجأأ مبرحأا في قرشة بيبسي
نواف :- ههههههههههههههههه اعصابك بس انت مع ذا المعركه اللي بفمك تقول هوشه مب اكل
ام احمد:- هههههههههه حسبي ع‘بليسكم انت معه بس عاد لاتتطنزون ع‘اختكم ان شاء الله اشوف فيك يوم انت معه بجنبكم حريمكم انتو صفر وهم واحد يصيرون 10 من كثر ماهم سمان من الحمل
احمد ونواف:-ههههههههههه
نواف:- احلى امي صارت تنكت يؤؤؤؤؤؤ ي‘ام احمد عطيتك جرعه من عندي؟؟
ام احمد:- وانت اللي يجلس معك يصير عاقل!!
احمد:- ايه والله انا اشهد اني اذا رحت الموستشفى اصير كأني عسكري زماني بس اذا رجعت البيت احس اني ارقوز من كثر ماتهبل فيني
نواف بفخر:- احم فديتني اصلا الجلسه بدوني ممله مالها طعم صح يمه
احمد يناظره بنص عين:- مالت بس اصل انت ولا شيء بدوني الجلسه مع احمد غير صح يمه
ام احمد تبتسم:- الله يخليكم لي ولا يحرمني منكم مدري بدونكم وش كنت بسوي
احمد ونواف:- ويخليك لنا
نزلت بكامل اناقتها ورشاقتها كانت قمة في الجمال,,كانت تزل بكل خفه وثقه وخصلات شعرها الحرير تتناثر حولها وتلامس فخذها وخدودها المورده وتبتسم وهي ع‘الدرج لأمها واخوانها اللي يناظرونها بأعجاب وحب كانت لابسه تنوره سكيني لونها اسود وبلوزه شفافه لونها ابيض بأكمام طويله وكفست اكمام البلوزه الى نصف اليد وتركت ازرار البلوزه مفتوحه الى بداية البطن ولبسة تحتها بلوزه ملونه بألوان فسفوريه وكانت البلوزه من قدام واضحه لأنو الأزرار مفتوحه ولبسة سلاسل ملونه فوشي واصفر واخضر وكانت فسفوريه وحلق صغااار مررررره لونهم وردي وحطة عند الخصر حزام عريض لونه اسود ودخلة عليه شريطه فسفوريه لونها وردي ولبسة جزمه (الله يكرمكم) لونها ابيض مفتوحه وفيها بالوسط خطين اخضر ووردي فسفورين ووجها ماحطية مكياج بس حطة قلوس وردي ناعم وكحله داخل العين لونها ارتكواز ابر جمال عيونها وماسكارا<ولو انها مو بحاجت الماسكارا هع> ولبسة لها تاج فيه فراشات صغيره من الجنب بألوان فسفوريه ولبسة اساور ملونه بألوان فسفوريه وساعه من سواتش ملونه صاير شكلها رووووعه خياااااال
احمد ونواف فاتحين فمهم ع‘شكلها كانت روووووعه وام احمد تقرا وتسمي عليها ولما وصلت اخر درجه نقز نواف ومسك يدها وهي مبتسمه
نواف وهو مفهي ع‘شكلها:- تتزوجيني؟!
ميار حطة يدها ع‘فمها ونزلت كأنها تركع وتناثر شعرها حولها :- ههههههههههههههه
نواف وهو مفهي اكثر ويناظر خصلات شعرها اللي تتناثر حولها:- انتي كائن والا ملاك!!
ميار رفعت نفسها ورجعت خصلات شعرها معها وصارت تحرك راسها وشعرها يروح يمين ويسار ويلامس يد نواف المفهي :- هيه صحصح ترا انا ميار اختك ي‘الخبل
نواف لف لأمه اللي تضحك عليه هي مع احمد واشوي ويبكي:- يمه تكفين ابي زيها 
ام احمد تمسح دموعها من كثر الضحك:- هههههههههه تعال يمه تعال الله يهديك بس ان شاء الله مابتلقاء الا اللي ترضيك تعال بس
نواف ترك يد ميار الناعمه وجلس مكانه
ميار راحت وباست راس امها:- صباحو لأحلى ام بالدنيا
ام احمد بحنان:- صباح النور للحلوين اللي مذوبينا عليهم
ميار:- ههههههه
ولفت وباست خد اخوها احمد:- احلى صباح لأحلى اخو بالدنيا..ومسحت بقايا القلوس اللي انطبعت ع‘خد احمد
احمد بحب:- صاح الخير والنور والجمال ي‘احلى من شافت عيوني
ميار ابتسمت وصارت ترمش بسرعه بعيونها
نواف يمثل الزعل:- ااااه الله لنا احمدووه له البوسه وانا حتى السلام ماسلمو علينا مو كفايه مو لاقين مثلها
ميار واحمد وام احمد:-هههههههههههههههههه
ميار راحت لعنده وهي مبتسمه وضمته من ورا وهو ع‘الكرسي وباسته بقوه بس بنعومه ع‘خده :- وهـ فديته يجنن والله اني احبك امووووووووووح وهذه بوسه ثانيه هاه رضيت
نواف بأبتسامة رضاء:- ايه كذا عدل
ميار وهي تجلس ع‘الكرسي:-هههههههههههههههههههههه ي‘حبي لك والله
احمد:- ههههههههه الله يعين زوجك ي‘ميار احسه بيتعذب من نواف وغيرته عليك
ميار هنا اختفت الأبتسامه اللي كانت مرسومه ع‘وجهها وتبدلت مكانها ملامح الحزن والضيقه(هي كلما تذكر انها لمازن تتحطم)
هنا احمد كره نفسه مليون مره هو يعرف انها ماتبيه بس مافي بيده شيء قدام ابوه الطماع قال احمد لأبوه انو راح يعطيه اللي يبيه بس ميار ماتتزوج مازن قال ابو احمد تعطيني 10 مليون وماازوجها مازن ,,احمد انصدم هو لو يذبح عمره مايجيب 10 مليون ولو انو هذا المبلغ مثل الفين ريال عند عمامه بس مستحيل يطلبه من عمامه مهما صار والله سبحانه هو اللي راح يحل المشكله
نواف يحاول يغير الجو اللي تكهرب:-ههه اقول عاد يمه انا ابي مثل ذا الحلوه والا ترا ماراح اتزوج
ام احمد ابتسمت بحزن:- مثلها مافيه بس ان شاء الله تلاقي اللي تملي عينك 
ميار تحاول تضحك وتبين لأحمد انو ماصار شيء:-هههههههههه مثلي قليل
احمد ابتسم بأرتياح
ميار بأبتسامه:-هاه منو فيكم بيوصلني الجامعه اليوم؟؟
نواف بحماس:-واحد يركب هالزين كله بجنبه ويقول لا!! انا اوصلك افاء عليك
احمد بحزم:- انت تروح جامعتك اللحين عشان ماتتأخر وميار انا اللي بوصلها مفهوم
نواف بوز:- ان شاء الله <~يحترمه لأنو احمد صاير له الأخ والأبو
ام احمد:- يلا اخلصو فطوركم عشان ماتتأخرو ع‘دواماتكم
نواف وهو يشيل اغراضه من ع‘الطواله وكتبه:- يلا باي انا بروح الجامعه
ميار بأبتسامه:- واااااو نويف تصدق صاير شكلك روعه امممم ممكن الرقم؟!
[نواف كان لابس بلوزه باللون الأسود وعليها كتابه بخط عريض وكل حرف بلون وفيه خطين عند الصدر باللون الأبيض وسكيني باللون الأبيض وجزمه(الله يكرمكم)باللون الأسود وفيه من الجنبين خط اخضر وبالوسط خط ابيض وبجنبه خط احمر ولابس ساعه فخمه باللون الأسود وكاب لونه اسود شفاف من ورا ومن قدام كان كله اسود مو شفاف وبالوسط فيه خط اخضر وبجنبه خط ابيض وبجنبه احمر وشعره طالع من تحت ومحدد السكسوكه صاير شكله جونااااان ]
نواف يمثل الغرور:- احم احم ادري انو البنات يخقن علي
ميار رفعة حاجبها:- مالت بس
احمد:- علي وعليكم وعلى اللي يقرون الروايه اغصان الجنه ان شاء الله
الكل:- امين
نواف:- يلا باي تأخرت
ميار:- وين وين لحضه عطني الرقم بألأول
نواف:- هههههههههههههههه اقول باي
ميار بأبتسامه:- باي ي‘ الخقه
احمد بسرعه :- لالالالا لحضه نويف
نواف خاف ولف عليه:- هاه وش فيك!!
احمد:- خلاص خلاص خذها وصلها انا تأخرت كثير نسيت عندي عمليه بعد نصف ساعه مااقدر يلا يلا انا طالع باي,,وطلع
ام احمد:- الله يحفظك
نواف يناظرالباب اللي طلع منه اخوه بغباء وفهاوه:- وش فيه هذا شارب شيء من ع‘الصباح؟!!
ميار وهي تحط قطعة التوست بفمها:- عادي مو اول مره هو دايم كذا ولا تسوي نفسك غبي
نواف:- اقول لايكثر ويلا بسرعه انا تأخرت باقي نصف ساعه ع‘المحاضره وشوفي متى اوصل
ميار تنرفزت ورمت التوسته اللي بيدها ووقفت:- خلاص خلاص لاتعصب يمه منك انتظر بس اللبس عبايتي
نواف:- بسرعه يلا انا راح انتظرك بالسياره <<وطلع ينتظرها
ميار لبسة العبايه اللي كانت ع‘الراس<~ ماتحب الكتف >كانت اكمام العبايه ناااااعه وكان النقش اللي فيها لونه اسود<ماتحب الألوان في العبايه لأنها فتنه> وباست راس امها:- يلا يمه تبغين شيء؟!
ام احمد بحنان:- سلامتك حبيبتي...بس حصنتي نفسك؟!
ميار ابتسمت:- ايه يمه يلا باي
ام احمد :- بحفظ الله
.................................................. .
بمكان ثاني وبحي قمة في الرقي والروعه تكثر فيه القصور الفخمه وقليل من الفلل الراقيه
كان فيه قصرين متشابهين وكانو قمة في الروعه والفخامه وتصاميمها كانت خيااال وواضح انو التصميم تصميم اوربي كانو القصرين كأنهم لملوك وكان في السور اللي يفصل بين القصرين فيه باب من بعديد فخم وراقي يففتح ع‘القصرين عشان ياخذون راحتهم
(بيت ابو فارس)
ابو فارس:- ي‘ام فارس بوكرا خميس وراح تكون الجمعه بالمزرعه جهزو نفسكم
ام فارس :- ان شاء الله
ابو فارس:- الا امي وين؟!
ام فارس:- امي راحت تفطر في بيت ابو زياد
ابو فارس :- اها
ليان وريتال صارو ينطوون وبحماس:- في مزرعه احلى شيء يس
ابو فارس ابتسم
فارس بهدوء:- انا ماراح اروح معكم
ابو فارس بحزم:- انا قلت كلمتي كلنا بنروح ومحد يجلس مفهوم
فارس بقهر:- ان شاء الله
ريتال وهي تقوم بحماس:- واااااو بروح اكلم رفون عشان التجهيزات
ام فارس:- اقول روحي جامعتك لاتتأخرين وكلميها وانتي بالجامعه
ريتال ابتسمت وحطة يدها ع‘فمها:- ههه تصدقون من الحماس نسيت اانو في جامعه اليوم
ليان:- انتي اساساا زين تذكرينا عسى ماتنسين نفسك بس
فارس يضحك:- هههههه اجل كاشخه لمون,,,اكيد لي صح(ويغمز لها)
ريتال تتصنع الغرور(ماتحب تكون مغروره):- هه بعيد عن شواربك كاشخه حق نفسي محد يستاهل اكشخ له (كانت لابسه تنوره سكيني لونها اسود وبلوزه رسميه لونها بيج ولها ياقه بأكمام طويله وكفسة اكمامها الى نصف اليد ولها عند الصدر ثلاث كسرات ولبسة عليها جاكيت قطني مفتوح ,,كات ومن قدام طويل الى عند الركبه ومن ورا يصل الى نهاية الظهر ولبسة سلاسل نحاسيه ع‘بني وحلق نعومه لونها نحاسي واسوار ع‘يدها لونها نحاسي وساعه كانت تايقر من شانيل وجزمه (الله يكرمكم) لونها بيج اصبع ولها شريطه صغيره لونها بني تنلف ع‘الساق وحطة لها بودره خفيفه وبلاشر بدني وقلوس بدني وكحله داخل العين باللون الأسود وماسكارا ولون واحد ع‘عينها بني خفيف مو واضح كثير صاير شكلها كيوت ودلع)
فارس رفع حاجب:- مالت انقلعي مناك بس
ريتال حطت يدها ع خدها وهي تتذكر شكل البنت اللي مدوخه بنات الجامعه كلهم :- وااااي لو اصير نصف جمال البنت اللي بجامعتنا كان انا بخير عليها جمال مو طبيعي اذا انا ي‘البنت انسحرت من جمالها!! كيف الشباب !! اكيد متسدحين عند باب بيتهم
ام فارس بأستغراب:- لهذه الدرجه حلوه ؟!
ريتال:- يمه حرام عليك لاتظلمينها كلمة حلوه هذه قليله بكثير عليها
ليان:- من جد البنت كلمة جميله قليله عليها
فارس رفع حاجبه:- الله الله شدعوه وصلتوها للسماء اكيد بالأخر راح تكون اقل من عاديه
ليان لفت عليه:- انت لو بس تشوفها راح تتمنى لو هي لوحه فنيه وتحطها عند السرير وتناظرها لحد ماتنام وهي من جد كأنها لوحه من جمالها تقولون كأن الجمال ماانخلق الا لها
ام فارس:- هي وش اسمها
ليان:- انا ماادري
ريتال وهي تحاول تتذكر:- امممممممممممم انا اتوقع اذا ماخاب ضني لأنها حديث الجامعه اممممم اسمها ميار
ام فارس:- بالكامل!!
ريتال ترفع كتوفها:- ماادري انا مااعرفها شخصياا
ابو فارس بحده:- حدكم عاد نهكتو بعرض بنت الناس وهي غايبه مو عيب عليكم استحي ي‘رتول هنا اخوك كيف تتكلمين عنها كذا
ريتال نزلت راسها بحرج:- اسفه,,,,ورفعة جوالها تطلب السواق يجهز لها السياره عشان بتروح
رن جوال فارس لما شاف الرقم ارتبك :- ااااا,,,اااا عن اذنكم انا رايح الشريكه
ام فارس:- بحفظ الله
راح فارس ركب سيارته البورش السوداء موديل 2012 الفخمه وانطلق للشركه
وهو بالسياره
فارس بحب:- هلا وغلا هلا باللي ملكت قلبي هلا
......بدلع:- هلا فيك حبيبي كيفك؟!
فارس:- لما سمعت صوتك صرت بخير
......بدلع:- دوم حياتي
فارس:- وانتي كيفك؟!
....... بدلع:- انت حبيبي كيف ماتبغاني اكون بخير!!
فارس:- فديتك...اشتقت لك
......ابتسمت:- ي‘النصاب تو الخميس اللي طاف شايفني
فارس:- انتي لو قدامي 24 ساعه اشتاق لك فيها
......بدلع:- ي‘بختي 
فارس:- امممممممممم تدرين وش اللي مصبرني
......:- وش؟!
فارس:- انو هذه اخر سنه لك واجي اخطبك من عمي وفي شيء ثاني بعد
.......بأستغراب:- وش!!
فارس:- يؤؤؤؤؤ شعولتي الظاهر خبر المزرعه اللي راح نروح لها بوكرا ماوصلك
مشاعل بدلع:- اهاااااا يعني راح اشوفك بوكرا
فارس ابتسم:- ايوا راح اشوفك بوكرا
مشاعل:- اوكك حبيبي امي تنادي عشان اروح الجامعه تبغى شيء ؟!
فاراس:- سلامتك حبيبتي بس انتبهي لنفسك
مشاعل:- ان شاء الله وانت بعد
فارس:- اوك
مشاعل:- يلا باي
فارس:- باي

,,,,,,,,,,,,,,,,,,,,,,,,,,,,,,,,,
في بيت ابو خالد وهم جيران ابو احمد
مافي ع‘طاولة الفطور غير الجوري
الجوري كانت تناظر الفطور اللي موزع ع‘الطاوله وتناظر الكراسي الكثيره الموزعه حول الطاوله وكيف خاليه مافيها احد دمعت عيونها ليه بيتهم كذا,,,ليه تحس نفسها غريبه فيه,,,ليه مافيه امان,,,امها ع‘طول طالعه حتى ع‘الفطور ماتصادفها تروح امها وتفطر مع صاحباتها ومازن ساعه بالبيت وعشره لا وابوها مثل اخوها وخالد الله يعينه يشتغل والا ينتبه لزوجت اللي حامل والا يحل امور البيت والايصرف ع‘البيت مو عارف وش يسوي يلحق ع‘منو والا منو
الجوري ماقدرت تتحمل وحطة كفوفها ع‘وجهها وصارت تبكي
دخل عليها خالد اللي كان نازل من جناحه ويضحك ويسولف مع شادن ويتطنز عليها وع‘مشيتها لكن انصدم من منظر الجوري وكيف كانت تبكي
راح لعندها بسرعه و حضنها:-جوجو حبيبتي وش فيك؟! وش صاير ليه تبيكن؟؟!
شادن وهي تحاول تسرع بخطواتها وحدها خايفه ع‘الجوري منظرها يكسر الخاطر ولما وصلت عندها سحبت لها كرسي وجلست عليه وسحبت الجوري من خالد وحطة راسها ع‘صدرها وبحنان:- وش فيك جوجو ليه تبكين من زعلك اهدي اشوي لاتبكين بس قطعتي قلوبنا
خالد برجاء:- جوجو خلاص عاد فهميني وش فيك ليه كل هذه الدموع
الجوري وهي تبكي:- تهئ تهئ ليه حنا كذا تهئ ليه مالي ام وابو مثل الناس تهئ تهئ ليه امي كذا ليه ابوي كذا تهئ تهئ
خالد حزن ع‘حال اخته وحالها وحال البيت الضايع
شادن بهدوء:- بس ي‘الجوري خلاص انتي اللحين كبيره مو صغيره امك وابوك ربوك وعلموك الى ان كبرتي وصرتي تقدرين تعتمدين ع‘نفسك وبعدها صار كل واحد يشوف حياته خلاص انتي اللحين المفروض ترفعين راسمهم بالشهاده والدرجات اللي ترفع الراس يلا بس خلاص لاتبكين ووريهم نتيجت تربيتهم لك مو تلومينهم
خالد ابتسم لـ شادن بحب وشكر وكل يوم حبه لها يزيد يوم عن يوم
شادن انتبهت له وبادلته الأبتسامه
الجوري هدأت عن نوبة البكاء من لما سمعت كلام شادن واقتنعت فيه وصارت تمسح دموعها وتحاول تبتسم
خالد يحاول يبدل لحظات الحزن اللي عمة بألرجاء البيت:- اوخص ي‘جوجو وش ذا الكشخه هاه ليكون تبغين تنخطبين(وغمز لها) [كانت لابسه تنوره سكيني لونها اسود وبلوزه لونها ابيض رسميه وكفست ياقة الأكمام من البدايه بس وتركتها ولبسة فوقها جاكيت قصيرلونه اسود يصل لعند نصف البطن وصدره عاري ولبسة حزام عريض لونه اسودوابيض ولبسة سلاسل لونها اسود ودمجت معهم سلسله طويله وحده لونها ابيض وفيه ورده صغيره لونها احمروحلق صغار دوائر لونهم ابيض ولبست ساعه فخمه لونها اسود واليد الثانيه اسوار ابيض واسود وبالوسط اسواره وحده لونها احمروشعرها حطت لها ورده من الجنب تتدرج من الأحمر الى الأسود متوسطة الحجم وحطة لها بودره وبلاشر وردي ع‘احمر وكحله داخل العين لونها اسدو وماسكارا وقلوس لونه احمر وصاير شكلها دلع وكيوت]
الجوري وهي تبعد من شادن وتحاول تبتسم:-احم احم انا من يومي حلوه فديتني
خالد:- مالت محد احلى من شدون حياتي
شادن بخجل وتبتسم:- لا عاد محد احلى من اختي ميور
الجوري بأبتسامه نستها حزنها:- بهذه صدقتي,,,,لو تشوفين البنات بالجامعه اذا دخلت تقولين داخل عليها الملك عبد الله الله يحفظه لنا ي‘رب ويخليه ذخر للشعب السعودي
خالد وشادن:- امين
خالد:- اما عاد قويه هذه
الجوري بحماس وصدق:- والله العظيم اذا دخلت الجامعه كل البنات يفهون
شادن:- واكيد ميور فرحانه ؟!
الجوري :- لا والله مسكينه اذا دخلت الجامعه وشافت نظرات البنات لها احس ودها تدخل بملابسها من الأحراج
شادن:-ههههههههه ي‘عمري ي‘ميور اتخيل شكلها وهي صايره طماطه عاد يصير شكل خدودها واااو ودي اقرصهم
خالد:- اقول بس لا يكثر هرجك انتي معها ويلا ع‘السياره....ويأشر ع‘الجوري اوصلك انتي ع‘الجامعه ..ويأشر ع‘شادن وانتو اوصلكم بيت اهلكم
شادن تتلفت حواليها وبعدها ناظرتها بأستغراب:- منو حنا ترا مافي احد وراي
خالد ابتسم:- ايه مافي احد وراك بس فيه داخلك قرد يناقز
الجوري:- انا بروح اشرب مويه وبرجع...وراحت
شادن تمثل الزعل:-بسم الله عليه الله يحفظه ولدي مو قرد القرد جده
خالد:هههههههههههههههههههه
شادن تناظره بزعل
خالد حس بزعلها ووقف ضحك وتقدم لحد ماصار كتفه يلامس كتفها ويده محاوطه بطنها الكبير وطبع وسه رايقه ع‘خدها الناعم:- فديت الزعلانين انا,,وبهمس:- احبـــــــــك
شادن خلاص تخدرت ابتسمت وماقالت شيء
الجوري جات وانحرجت من شكلهم بس حبت تبين انو عادي:- احم احم ي‘هوه صحصح شوي ترا نحن هنا
خالد:- احم احم هاه خلصتو
البنات:- ايه
الجوري وهم يمشون متوجهين للباب:- احم خالد انا اليوم برجع مع ميور بروح بيتهم
خالد بحنان:- اوك حبيبتي خذي راحتك
شادن:- اجل خلاص انت اذا خلصت من الشغل تعال وتغدا بيت اهلي
خالد بأبتسامه:- اوك يلا خلونا نمشيء
البنات:- يلا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
بيت ابو زياد اللي يشابه بيت ابو فارس بفخامته وجماله
كان الكل جالس ع‘طاولة الفطور عدا مشاعل اللي مابعد تنزل من غرفتها
ابو زياد وهو يغمس الخبزه في الجبنه:- اقول يمه وش رايك بعد الفطور نلعب رياضه برا
ام فيصل(الجده):-ايه والله ي‘ولدي احس اني بحاجه للحركه ع‘طول جالسه ابي اتحرك ابي اركض
الكل:-هههههههههههههههههه
زياد:- عاد تركضين ي‘جد هذه قويه
الجده:- ايه اركض وش فيها ترا ماني عجوز توني شباب عمري 20سنه بس ابوك واخوانه كبروني
الكل:-هههههههههههههههههه
ابو زياد:- ايه واناعمري 9 سنوات
ريفان:- ايه وانا مابعد انولد اللي بجنبك ي‘جده ترا هواء بس صوت
الجده عصبته:- يلا عاد انت معها عن الطنز صدق اني كبيره بس الشباب شباب القلب
ام زياد:- ي‘حياتي انتي يازينك ويازين سوالفك
الجده:- احم احم يازيني
زياد وهو مبتسم:- اقول ي‘جده وش رايك نزوجك؟!
الجده استحت:- لا ويه انا مااتزوج من بعد ابو فيصل الله يرحمه
الكل:- الله يرحمه
ريفان:- لا ي‘جده حرام عليك راجوه ينتظر الشاره منك مسكين متعذب
الجده عصبت وضربت ريفان بالعصايه ع‘رجلها بالخفيف:- ووجع انا ع‘اخر عمري اتزوج هندي ليه!! ليه في احد قالك انو شباب الديره خلصو؟!
ام زياد:- يؤؤؤؤؤ يعني الوالده لها نيه في الزواج!!
الجده:- اقول اهجدي انتي مع ورعانك هذا بدل ماتزوجينه جايه تزوجيني انا صدق لاقال المثل بعد ماشاب ودوه الكتاب
ابو زياد يمسح دموعه من كثر الضحك:-هههههه بس بس خلاص بطني يعورني من الظحك
ريفان بحماس:- يلا ي‘جده قومي معي خليني اعطيك ملابس رياضه ونلعب انا وانتي برا
ابو زياد بحزم:- نعم نعم وش قلتي ماسمعت هيه اقول انتي يلا روحي السواق ينتظرك تأخرتي ع‘جامعتك ماعندنا بنات تغيب يلا اشوف
ريفان بخوف اخذت اغراضها ولبست عبايتها :- ان شاء الله يلا باي
الكل:- باي
بمكان ثاني من القصر وتحديداا بجناح مشاعل
بعد ماسكرت من فارس كلمت خويها اللي توها متعرفه عليه عن طريق خويه عندها قانون"اشحن لي اعرض لك واذا تبغى اكثر ادفع اكثر" ولو انو البنت مو ناقصها شيء بس هي هيك تخلص من واحد وتلتفت للثاني
كلمته وسحرته بكلامها المعسول واتفق معها ع‘القاء بوكرا قالت له انها ماتقدر لأنو بتروح مزرعه مع اهلها وهو قال لها حتى هو بيروح مزرعه مع اخوايه وقال لها راح يجي ياخذها من مزرعتهم ووصفت له المزرعه وطلع مايبعد بينهم الا شارع واحد
ابتسمت بمكر وصارت تناظر شكلها في المرايا برضاء[كانت لابسه تنوره سكيني لونها بني محروق الي يشوفها من بعيد يظن انو لونها اسود لكن اللي يقرب منها يشوفها بني ولبست بلوزه لونها كموني طويله الى نصف الفخذ ومفتوحه من الجوانب الى بداية الفخذ باكمام طويله ولها ياقه وكانت فاتحه ازرار البلوزه كلها من البدايه الى نهاية الصدر ولابسه داخلها بلوزه بنيه وحطة عند الخصر حزام باللون البني عريض ولبسة سلاسل باللون البني وساعه بني ع‘كموني من شانيل واسوار بنيه وحلق ناااااعم باللون البني وشعرها خلته ياخذ حريته وحطة مكياج بتدرجات البني الفاتح بس كان ثقيل اشوي وحطة قلوس بدني وبلاشر بدني]
لفت ع‘صوت جوالها اللي ازعجها رفعته من ع‘الطاوله وشافت اسم خويتها اللي اخذتها ع‘طريق الحرام(العنود يتصل بك)ابتسمت وردت:- اهلا هلا
العنود:- هلا فيك ....انتي وينك صار لي سنه وانا اتصل ع‘طول مشغول
مشاعل بدلع:- امممممم كنت اكلم فروس وبعده سكرت منه وكلمت عدول وتو مسكره
العنود:- اها....اللحين انتي ماراح تتركين فارس يااختي عندك مثله مليون
مشاعل بغرور:- لالالا هذا يمامه الضمان اما الباقي تسليه
العنود بأستنكار:- هه والله انك تضحكين,,,طيب لو عرف انك مو بنت وانك كل يوم مع واحد!!
مشاعل بذكاء:- بيكون الفاس طاح بالراس وبيكون طلاقي صعب عليه اولا لأني بنت عمه وثانيا لآني حبيبته وزوجته
العنود:- ول وش ذا المخ !!
مشاعل:-ووجع قولي ما شاء الله
العنود بقهر:- ماشاء الله
مشاعل:- الموهيم انا بروح الجامعه تأخرت تبغين شيء؟!
العنود:- لا تشكرات باي
مشاعل:- لحضه ليه انتي متصله؟!
العنود :- بس انتي امس قلتي لي لما اصحى الصباح اتصل عليك عشان تصحين وانا اتصلت كنت اظنك نايمه
مشاعل:- اها اوك
العنود:- يلا باي
مشاعل:- باي
سكرت من صاحبتها واخذت اغراضها ونزلت لعند السواق متوجها للجامعه الخاصه لأنو ماجابت نسبه حلوه ودخلها ابوها بفلوسه تدرس ادب انجليزي محد معها من اهلها بهذا القسم يعني بالعربي ماتعرف ميار 
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,
في بيت ابو سلطان بيته من فخامة بيت ابو احمد بس هو بيته افخم واروع لأنو شغله بالحلال وربي موفقه
كانو جالسين ع‘الطاوله ياكلون بهدوء ورواق
سلطان:- اقول يبه وش رايك نلعب كيرم؟!
ابو سلطان بحماس:- والله فكره حلو قوم قوم جيب الكيرم
ام سلطان:- خير خير انت معه والله انت وولدك كأنكم عيال صغار كل واحد فيكم مثل البقره وش كبركم قومو اشوف يلا كل واحد ع‘دوامه يلا
ابو سلطان يمثل الخوف:- الله الله الظاهر ابو الشباب زعل
سلطان يقلد ابوه:- لالالالا الظاهر ي‘دحوم هالمره زعل بقوه بعد
ام سلطان عصبت:- احلف عاد انت وهو يلا عاد بلا حركاتكم هذه من ع‘الصباح وروحو دوماتكم بسرعه:@ واحد مدير بنك(ابو سلطان) والثاني رئيس قسم وجالسين بالبيت ومو مهتمين اللي يشوفكم ع‘برودكم هذا يقول الأبو ينظف ممرات البنك والولد مايشتغل ماكأنو مناصبكم كل واحد اهم من الثاني
ابو سلطان بجديه:- خلاص خلاص لاتزعلين والله ولدك خربني
سلطان لف ع‘ابوه ويمثل الصدمه:- انا!! اللحين انا ابغى اعرف من اللي المفروض يشتغل ع‘الثاني!! الأبو والا الولد هذا بدل ماتعقلني جالس تزيد بهبالي !!
ام سلطان اشوي وتبكي من القهر:-بس عاد يلا روحو
ابو سلطان وسلطان ناظرو ببعض وبعدها لفو لجهت ام سلطان وقامو من الكرسي وابو سلطان باسها في خذها وسلطان في خذها الثاني وبعدها قالو بنفس الوقت وهم يمثلون البرائه:- اسفين ماما
ام سلطان ابتسمت ولفت لولدها اللي واقف يمينها:- انت ماما مقبوله منك
ولفت لأبو سلطان اللي مبتسم لها وضربته بكس بخفيف ع‘بطنه:- اما انت وشو ماما اصغر عيالك انا
ابو سلطان يحط يده ع‘بطنه ويمثل انو تألم:- ااااه هذا جزاي ادلعك
ام سلطان:- احد يدلع زوجته كذا
ابو سلطان ابتسم وغمز لها:- هاه تجين معي فوق وادلعك عدل
ام سلطان صار وجهها يعطي الوان
سلطان انحرج:- احم احم يلا باي انا رايح الدوام
ام سلطان:- تعال سلطون خذ ابوك معك
ابو سلطان :- ليه اصغر عياله انا ياخذني معه ترا انا ابوه مو ولده
ام سلطان بهدوء:- ادري بس انت اذا ماطلعت اللحين ,,,,,ماراح تطلع
جاء سلطان ومسك يد ابوه:- يلا يبه,,,,يلا يمه مع السلامه
ام سلطان :- بحفظ الله <~وطلعو
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,
عند مدخل جامعة الـ............. للبنات
دخل نواف بسيارته الكلآيزر لونها اسود بوسط زحمة السيارات اللي بالجامعه اللي يوصل اخته والا بنت عمه والا زوجته والا امه والا السواق بيوصل بنت كفيله وغيره وغيره وغيره وقبل يوصلون طلبة ميار انو توقف عن دهليز كافيه وطلبة لها شوكولاته ساخنه تصحصح فيه عشان كذا تاخرو اشوي
كان وراهم سيارة ريفان نزلت من السياره بعبايتها الكتف بس واسعه وساتره وحتى نقشها كان اسود وناعم وصادفة صديقتها عرفتها من عيونها
ريفان بمرح:- هاي مزون
مزون:- هايات كيفك؟!
ريفان :- الحمد لله عال العال وانتي؟!
مزون:- تمامو <~ ونسو نفسهم وصارو يسولفون برا
....بسيارة نواف....
ميار:- وهـ فديتك حبيبي تسلم ع‘الشوكولاته
نواف:- يسلمك ربي شدعوه ماسويت شيء...الموهيم يلا انقلعي بكرامتك قبل ارفسك لأنو بجد تأخرت ع‘الجامعه
ميار:- هههههههههههههههههه خلاص يمه منك بنزل
وصارت تلم اغراضها وبدون ماتنتبه طاح دفتر محاظراتها من الربكه ونزلت بسرعه قبل يهزئها نواف
ريفان انتبهة لخطوات ميار اللي تجبر كل من يمر بجنبها يلتفت لها وقالت بهيام:- وهــ جات الخقه
مزون:-هههههه الله يرجك يلا بس خلينا ندخل
ريفان تنهدة:- اااااااااه يلا ,,,,ولفت تبغى تروح لكن وقفها صوت ساحر
نواف انتبه للدفتر وابتسم وفتح باب السياره وشال النظاره الشمسيه الفخمه من على عيونه ورفع الكاب من شعر وصار الهواء يداعب شعره الناعم
نواف بصوت عالي:- تعالي ي‘بنت نسيتي دفترك
ميار لفت له وابتسمت من تحت البرقع ورجعت له واخذت منه الدفتر:- يمه منك نسيتني دفتري تدري لو ماقلت لي اني نسسيه كان وش سويت فيك؟!
نواف بأبتسامته اللي بينة غميزاته:- وش؟!
ميار:- اذبحك
نواف بخوف:- لالالالالا الا الذبح خلاص توبه يلا روحي لاتتأخرين بس
ميار:- ههههه تيب باي
نواف بأبتسامه:- باي
ريفان هنا انسدحت ع‘مزون:- واااااي منه عذاااااااااااب هالخقه اخو هالخقه لالالا كذا انا اضيع
مزون بالموت ماسكتها وميته ضحك عليها :- ي‘بنت الناس فضحتينا يلا قومي
نواف انتبه لها بس مااعطاها اهتمام لأنو كثير مرو عليه من بنات يرمون نفسهم عليه بس هو مو مهتم لهم ويضن انها منهم
السواق اللي ورا نواف انقهر منه وراه ناس مو بس هو طلع راسه من النافذه:- ايس فيه انتا فيه واجد رجال ورا انا مافي بس انا هنا انت مافي اشتري هزا شارء يلا سورا (وش فيك انت وراي ناس كثير مو بس انا انت ماشريت هذا الشارع بفولسك يلا بسرعا)
نواف لف للهندي وابتسم ع‘كلامه ,,,,,,رجع النظاره الشمسيه السوده الفخمه ع‘عيونه ورجع الكاب ع‘ راسه وركب سيارته بثقه ويمثل الغرور لما شاف اعجاب البنات اللي يمرون ناحيته وانطلق للجامعه
,,,,,,,,,,,,,,,,,,,,,,,,,,,,,,,,,,,,,,,,,,
فتح عيونه بشويش وهو يتلفت حوله ويدقق بالمكان لف للناحيه الثانيه من السرير لكن ماا شافها وناظر قدامه شافها تربط شريطة فستانها القصير الأبيض وتعدل شكلها بالمرايا عشان تطلع
.....ابتسم:- صباح القشطه
لفت لجهته ومشت وهي تتدلع بمشيتها وجلسة بجنبه ع‘طرف السرير:- صباحو فل وياسمين
رفع راسه لعندها وباس خدها بنعومه:- فديتك
........بأبتسامه:- يلا بيبي بدي المساري تبعي مشان روح<~لبنانيه
فتح محفظته ولقى فيها ثلاث الاف طلعهم ومدهم لها:- تخالدي ولك مثلهم واكثر لو كانت السهره بوكرا احلى من امس
ابتسمت وهي تناظر الفلوس وباست خده بنعومه وقامت اخذة اغراضها ولما وصلت عند باب الغرفه لفت له:- ليك مازن يمكن ما اجي بوكرا اوكِ
مازن عقد حواجبه:- ليه؟!
........:-بدي روح ع‘المول اشتري اشويت اغراض وفساطين لأنو كل ي‘اللي عندي خربو
مازن ناظرها بنص عين:- جواليا!!؟
جوليا عقدة حواجبها:- شو؟!
مازن بشك:- المول والا عندك زبون غيري؟!
جوليا بغرور:- اولا انت مااشتريتني مشان تتحكم فيني وبعدين انت وغيرك مافي فرأ بينكون يلي بدو يدفع بدو ياخود ي‘اللي بدو واللي مابيدفع يسطفل ايه!!
مازن:- بس خلاص وش قلت عاد كليتيني
جوليا:- بس اتطمن انا رايحه ع‘المول اساسا ما الي مزاج اعمل شيء بوكرا يلا باي
مازن:- باي
طلعة جوليا وقام مازن وهو يفرك عيونه للصاله
طلع وشاف خويه عادل يطفي الزقاره اللي بيده ويطلع ثانيه
عادل:- صباح الخير
مازن وهو يجلس:- صباح النور
عادل:- هاه كيف السهره امس؟!
مازن بحماس:- واااااااااااو طافك بنت اللذين شيء
عادل:- ههههههههه الله يهنيك
مازن ابتسم:- تسلم
عاد:- اقول مامليت انت من هالأستراحه 24ساعه فيها ماتبغى تروح بيتكم؟!
مازن انقهر:- طرده؟!اقول لا تذلني بأستراحتك انا لو عندي استراحه ماجيتك
عادل استغرب:- وش فيه يمه منك ماقلت شيء مو قصدي اللي فهمت يااخي الأستراحه وصاحب الأستراحه تحت امرك بس اقصد يعني ماتبي تروح وتشوف اهلك وبعدها تعال
مازن وهو يتمدد ع‘الكنبه:- لا ماابي خلني هنا انا هنا مرتاح
عادل وهو يشيل مفتاح سيارته من الطاوله ويوقف:- طيب براحتك الموهيم انا بروح البيت تبغى شيء؟!
مازن:- سلامتك
عادل:- يسلمك ربي يلا باي
مازن:- باي
,,,,,,,,,,,,,,,,,,,,,,,,,,,,,,,,,,,,,,,,,,,,
دخل بثقه وثبات وهو لابس الجينز الأزرق ولبس حزام باللون الأسود وبلوزه رسميه لونها سماوي وكارفتا لونها اسود وفيها خطوط ضعيفه باللون الأبيض وجاكيت رسمي لونه اسود ومسكر الجاكيت بالوسط والباقي مفتوح وجزمه(الله يكرمكم) رسميه باللون الأسود
اول مادخل توجهت ناحيته نظرات الأعجاب استغفر ربه وكمل طريقه ناحية مكتبه ولما وصل دخل المكتب وسكر الباب ورمى شنطته الدوبلماسيه ع‘الطاوله وهو ينزع الجاكيت انظرب الباب :- ادخل
دخلت وهي مبتسمه:- صباح الخير دكتور احمد
احمد ابتسم:- صباح النور خير مدام نوف في شيء؟
نوف:- ههههههههه دكتور انا هنا تقولي دكتوره مو مدام
احمد:- ههههههههه وش اسوي ذاك اليوم قلت لك دكتوره وجاني زوجك وهزئني ليه ماقلت لك مدام يبغى كل من بالموستشفى يعرف انك متزوجه عشان محد يتحرش فيك
نوف انحرجت من زوجها:- ههههههههه الله يهديه الموهيم الدكتور سعود يطلبك لغرفة العمليات حالا
احمد ابتسم:- اشوفك ماقلتي زوجي سعود!!؟
نوف:- هههههههههه خلاص عاد والله ترا اقول له انك تتحرش فيني واخليه يسوي لك فضيحه هنا
احمد بزعل:- افاء اللحين انتي تعتبرين اخوك وتسوين فيني كذا الله يعين غيري اجل
نوف ابتسمت:- والله انك مثل اخوي صدق ماعندي اخوان ووحيدة امي وابوي بس الله يشهد انك اخوي اللي ماودلته امي
احمد بفخر:- احم احم
نوف:- مالت يلا بس لا تتأخر حرام المريض ينتظر
احمد:-طيب يلا جاي بس اللبس البالطو
نوف:- اوك انا بروح لهم واذا خلصت تعال
احمد:- اوك
طلعة نوف وبعد دقائق طلع وراها احمد متوجه لغرفة العمليات
,,,,,,,,,,,,,,,,,,,,,,,,,,,,,,,,,,,,,,,
""وقفه نتعرف ع‘نوف وزوجها واهلهم""
ابو نوف:- عمره 60 سنه ذكي ومثقف وطيب ويهتم ببنته ومايرفض لها طلب كان يشتغل سفير بس لما كبر وصار مايقدر يتحمل تعب الشغل جلس بالبيت واشترا له عمارتين وخمس محلات وصار يوصله نصيبه كل شهر وراضي باللي يجيه المهم مال حلال
.......................................
ام نوف:- حنان عمرها 55سنه طيبه وكمان ذكيه كانت تشتغل مدرسه بس تقاعدة وجلست تعتني ببيتها وزوجها وبنتها
.....................................
نوف:- عمرها26 سنه نعومه تعتبر عاديه في الشكل لكن اللي محليها روحها الحلوه بشرتها حنطيه مائله للأسمرار عيونها متوسطه وعيبها رموشها خفيفه وانفها صغير وفمها متوسط وشعرها ناعم يصل لعند كتفها وقزومه اشوي طموحه وكان كل همها تخلص دراسه وتدخل طب
{بيت ابو نوف كانو جيران ابو احمد,,نوف لما تخرجت طلبت من ابوها تسافر وتكمل دراستها برا في بريطانيا وابوها خاف عليها كايف تسافر بنت لوحدها برا وجات بباله فكره راح بيت ابو احمد وجلس مع احمد وقال له
ابو نوف:- احمد انا عارف ي‘ولدي انو طموحك طب وتبغى تدرس برا لكن امكانياتكم الماديه ماتسمح
احمد انحرج ونزل راسه بحزن وماقال شيء
ابو نوف يبغى يرفع من معنوياته:- ارفع راسك ي‘ولدي هذا مو عيب
احمد رفع راسه وابتسم:- خير ي‘عمي امر 
ابو نوف بحرج:- والله ي‘ولدي بصراحه بنتي نوف تبغى تكمل دراستها في بريطانيا
احمد عقد حواجبه:- طيب؟!
ابو نوف:- انت تدري انو هي وحيدتي وماعندها اخوان عاد انا قلت مافيا الا اخوها احمد يسافر معها منها ينتبه لها ومنها يكمل دراسته
احمد بفرح:-يعني انا بدرس ببرا؟!
ابو نوف حس بفرحته وابتسم:- اذا وافقت
احمد قام من مكانه وباس راس ابو نوف ورجع جلس:- افاء عليك ي‘عمي انا من يدك هذا ليدك هذه امر انت بس 
وبعد مرور شهرين سافرو احمد ونوف وكانو مثل الأخوان كل واحد قلبه ع‘الثاني ولما دخلوا لجامعه التقو بــ سعود وصاروا حلى ثلاثي بالجامعه ونوف اعجبت بسعود كثير بس مابينت وسعود كمان اعجب فيها واعجب كثير بطموحها واصرارها ع‘النجاح ماقدر يتحمل واعترف لأحمد وقال له يتوسط له عندها وفعلا احمد وصل حبه لها وهي وصلت اعجابها فيه عن طريق احمد ولما رجعو خطبها وتزوجو ماصار ع‘زواجهم سنه}
....................................
(بيت ابو سعود)
ابو سعود:- عمره 61سنه طيب وهادء وماعليه من احد كل همه بيته وبس كان يشتغل دكتور في الجامعه بس تقاعد تزوج بعد وفات زوجته من مريم
ام سعود:- متوفيه
مريم(زوجة ابو سعود):- عمرها 50 سنه تزوجت قبل ابو سعود واكتشفت انها ماتجيب عيال وطلقها زوجها وبعدها تقدم لها ابو سعود ولما عرف انها ماتجيب عيال قال عادي انا مايهمني العيال انا ابي زوجه وام لولدي وافقت عليه وتزوجو طييييييييييييييييييبه وحنونه تعامل سعود كأنو ولدها واكثر كمان لأنها تحب الأولاد وتحاول ترضيه هو وزوجها بأي طريقه وتحلم بكلمة جده بعد ماسمعت كلم يمه<~سعود يقول لها يمه
سعود:- عمره30 سنه شكله عادي احلى مافيه انفه يجنن دق السيف وبشرته اسمر وعيونه صغار بس مكحله وشعره ناعم لكن دايم يقصه طويل وضعيف حنووووووووووون وذكي وطموح مرح ويحب المزح كثير
......................................
بعد ماوقف سيارته الفخمه نزل بكل ثقه وثبات وفخر
دخل بكل شموخ ووراه الحرس والكل لما شافه وقف احترام له الكبير والصغير كانت له هيبه ونظره حاده لو اعطها لمخلوق راح يتمنى تنفتح الأرض ويدخل بوسطها من الخوف
قال بصوت جهور وفيه بحه رهيبه:- السلام صباح الخير
الكل:- وعليكم السلام طال عمرك صباح النور
جاء السكرتير الخاص فيه بسرعه واخذ شنطته والأوراق اللي بيده منه وقال بأحترام:- تفضل استاذ فارس
فارس بأحترام مهما كان غني وكانت له هيبه لازم يحترم الناس عشان الناس تحترمه وتحبه:- مشكور يااخوي ي‘نادر بتعبك اشوي
نادر ابتسم:- تعبك راحه طال عمرك تفضل المصعد وصل
فارس ابتسم وتقدم بخطوات واثقه ناحية المصعد متوجه لمكتبه
.......................................
دخلت بخطواتها المعتاده وصوت خطواتها المميزه تنسمع وتوجهت لعند المرايا ونزعت العبابيه بخفه وبعد مانزعتها اصوات الأزعاج اللي حولها انخفظت وتوجهت جميع الأنظار لها نظرات البعض اعجاب والبعض حب والبعض قهر من جمالها
انحرجت من نظرات البنات لها ونزلت راسها بخجل
ابتسمت لما شافتها كذا وجاتها من ورا وضربتها ع‘كتفها:- بوووووووووه
ميار لفت لوراها بخوف :- بسم الله,,ولما شافتها ضربتها ع كتفها وقالت:- وجع الجوري خوفتيني
الجوري:- ههههههههههههههههه بصراحه شكلك وانتي ضايعه بسب نظرات لبنات لك يموت ضحك ي‘عمري رحمتك
ميار ابتسمت وبخجل:- والله العظيم نظراتهم توترني ماادري كيف راح ادرس بهذا الجو هذا واول سنه كذا اجل وش بيسون بعدين
الجوري بأبتسامه:- ماعليه هم يناظرونك لأنهم معجبيات فيك وعمرهم ماشافو بجمالك انتظري عليهم اشوي يتعودون ع‘وجودك وبعدها بيكون الأمر عادي بالنسبه لهم بس انتي انتظري
ميار :- الله يسمع منك بصراحه تعبت من هذا الوضع
الجوري:- الله يعينك اقول بس يلا خلينا نروح ع‘القاعه قبل تبدأ المحاضره
ميار وهي تاخذ شنطتها الكبيره من aldo كانت كيوت لونها اسود وفيها ورود صغيره بألوان فسفويها وابيض :- يلا بسرعه
الجوري :- يلا
وتوجهو ناحية القاعه وانظار البنات تتبعها لحد ماغابت عن انظارهم
بعد ما ابتعدت ,,ليان لفت لأختها وبنت عمها اللي ذايبين عليها:- هههههههههه هيه انتي معها وين رحتو
ريفان بهيام:- انا ذبت اليوم بقوه منها ومن اخوها وااااي من اخوها يخقق
ريتال:- وانتي متى شفتي اخوها؟!
ريفان:- اليوم جابها اخوها وشفته وهو يركب سيارته يجنن
ليان بحماس:- حلو كثير؟!
ريفان وهي تتذكر شكل نواف:- يجنن يدوخ
ريتال:- اممممممممم احلى من اخوي فارس؟!
ريفان:- امممممممم بصراحه لا بس والله حده خوقاقي
ليان:- طيب برايكم من احلى البنت الحلوه والا فارس؟!
ريتال عقدة حواجبها:- انتي من جدك تقارنين بنت بولد!!
ليان:- عادي تخيلوها ولد والا فارس تخيلوه بنت وقارنو بينهم
ريتال وريفان:- هههههههههههه
ليان:- والله العظيم اتكلم جد يلا قولو
ريتال وريفان بوقت واحد:- البنت طبعاا
ليان خافت منهم:- بسم الله حشى كأني موقتتكم
ريفان:- هع
ريتال:- يلا بس خلونا نروح ع‘القاعات قبل تهزئنا المشرفه عاد هذا الدكتور انا مااحبه واكره محاضراته وبصراحه مالي خلق تهزيء من الصباح لأنو ذا المشرفه حيوآنه
ليان:- انتو روح انا محاضرتي تبدأ الساعه8
ريفان وريتال:- اوك باي
ليان:- باي
راحو البنات وليان طلبة لها اكل من الكافتيريا وجلست تفطر لوقت محاضرتها
,,,,,,,,,,,,,,,,,,,,,,,,,,,,,,,,,,,,,,,,,,,
لبس ثوبه وجلس عند المرايا يعدل شماغه وعقاله
وصلت لعنده وهي بيدها المبخر وتتدلع بمشيتها ومبتسمه,,,باست خده بدلع خايس مثل وجهها:- صباحو حبيبي
لف لها وابتسم:- صباح الخير
......ابتسمت:- شو حبيبي ماراح تفطر؟!
........:-لا حبيبتي بروح المكتب اكيد اللحين فاضي مافيه احد
.....تمثل الزعل:- حبيبي انا حبيبتك سموره بتخليني افطر لوحدي اهون عليك
.......ابتسم:- سمر حياتي والله مشغول اممممممممم لما ارجع راح اغديك برا
سمرابتسمت بنصر:- يعني ماراح تروح بيتك الثاني؟!
........كشر:- لا وش يوديني بما انو معاي القمر مالي ومال النجوم
سمر:- فديتك احلى ابو احمد والله 
ابو احمد:- يفداك الكون هاه تبغين شيء حياتي وانا جاي؟!
سمر بزعل:- حبيب صار لنا 6شهور وحنا متزوجين وانت وعدتني قبل الزواج شهر واحد بس وتعلن زواجنا والى اللحين مانفذت طلبي الى متى يعني؟!
ابو احمد:- خلاص حياتي لما ارجع نتفاهم اوكك
سمر:- اوك
ابو احمد:- يلا مع السلامه
سمر:- مع السلامه
وطلع ابو احمد متوجه لمكتب العقارات ولا فكر حتى يسال عن بيته وعياله
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
&وقفه نتعرف فيها ع‘سمر&
سمر:- عمرها 35سنه عاااااااااااديه احلى مافيها انها بيضه وشعرها يصل لنهاية ظهرها ومو ناعم وطويله ودبدوبه اشوي بنت صايعه ضايفعه لما كانت باستراحه مثل الأستراحه اللي عند مازن شافت ابو احمد هناك وكذبة عليه بكم كلمه حلوه وتزوجها بالسر وفتح لها شقه صغيره وكتبها بأسمها وامها وابوها توفو بحادث سياره لما كان عمرها17سنه ومن بعدهم ضاعت وتشتت بالشوارع وهذا اللي خلاها كذا
...........................................
دخل مكتبه وتوجه لعند الكرسي وجلس بكل ثبات وشموخ وكان لابس الثوب الأبيض والشماغ الأحمر ومحدد السكسوكه واكمام الثوب كان فيها كبك الماس قمة في الفخامه والجمال صاير شكلها جناااااااااااااااااان
انظرب باب مكتبه وهو يحوس بالأوراق اللي قدامه :- تفضل
دخل الفراش وهو بيده صينيه فخمه وفيها فنجان كان شكله خيااااال :- تفضل طال عمرك القهوه
ابتسم:- مشكور حطها ع‘الطاوله وتفضل شوف شغلك
الفراش ابتسم وحط الفنجان ع‘الطاوله:- العفو
وفتح الباب يبغى يطلع وصادفه السكرتير ابتسم له والسكرتير بادله الأبتسامه وراح الفراش
دخل السكرتير وقال:- استاذ زياد في عندي اوراق محتاجه توقيعك
زياد بصوت جهوري:- اوك حطها ع‘الطاوله ولما اخلص من اللي بيدي اشوفهم
السكرتير:- ان شاء الله
حط الأوراق وطلع لمكتبه
...........................................
كان واقف بسيارته عند مطعم الـ......... يطلب له فطور وماسك الزقاره بيده اليسار والثانيه فيها الجوال ويكلم:- هلا والله
..........:- ي‘هلا فيك
...........:-هاه بشر وش ألأخبار عندكم؟!
............:- الأخبار تسرك
........ابتسم:- زين الله يبشرك بالخير,,,,,,,الموهيم محمود متى توصل الطلبيه الثانيه؟!
محمود بهدوء:- انت تعرف ي‘ابو خالد انو الكميه هذه المره كبيره مو نفس كل مره ولازم نتريث فيها
ابو خالد ابتسم بخبث:- اوك وش ورانا ننتظر دام السالفه فيها ملاين
محمود ابتسم:- ونلعب بالفلوس لعب
ابو خالد:- ههههههههههههه
محمود:- الموهيم انا بسكر اللحين تبي شيء؟!
ابو خالد:- سلامتك سلم ع‘الجماعه
محمود:- يوصل يلا سلام
ابو خالد:- سلام




المواضيع المتشابهه:


v,hdhj yvhl ;hlgi < v,hdi yvhldi vhzui








 
رد مع اقتباس مشاركة محذوفة
إضافة رد

مواقع النشر (المفضلة)


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:24 AM


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
المواضيع والردود المنشورة لا تعبر عن رأي [ ادارة منتديات حسناوات النسائية ] ولا نتحمل أي مسؤولية قانونية حيال ذلك ويتحمل كاتبها مسؤولية النشر لا يجوز كتابة التعليقات و المشاركات التي تنتهك أيًّا من إرشادات المحتوى. من أمثلة ذلك، المحتوى (الخاص بالبالغين) أو العنف أو تأييد التعصب العرقي و المواد المحمية بموجب حقوق الطبع و النشر / في حال وجود شكوى يرجى مراسلتنا / chat5jrr@yahoo.com / او توآصل معنا عبر صفحة اتصل بنا / دمتم برعايه الله وحفظة

Security team